18 قازاندا بەيجىڭدە جۇڭگو كومپارتياسىنىڭ 19-شى سەزى ءوتتى. بۇكىل حالىق دەمىن ىشكە تارتىپ، سەزدە تالقىلاناتىن ماسەلەلەردىڭ شەشىمىن كۇتۋدە،- دەپ حابارلايدى Qamshy.kz اقپارات اگەنتتىگى. بۇل شەشىمدى جۇزەگە اسىرۋعا الەمدەگى ەڭ ءىرى ساياسي پارتيا بولىپ ەسەپتەلەتىن 80 ميلليون مۇشەسى بار پارتيالار كۇش جۇمسايدى.

ورتالىق كومپارتيانى سي سزينپين باسقارعان ۋاقىتتان بەرى تەك بەس جىل عانا ۋاقىت ءوتتى. بەس جىل دەگەن تۇك ەمەس بولىپ كورىنگەنمەن، وسى ۋاقىت ارالىعىندا قحر-دا قانشاما وزگەرىستەر ورىن الدى دەسەڭىزشى؟! كەيبىر ەلدەر بۇدان دا ۇزاق مەرزىمدە ءبىر ورىندا تۇراقتالىپ تۇر. عارىش سالاسىنداعى بۇرىن سوڭدى بولماعان جەتىستىكتەر قىتايدى وزگە الەمدىك دەرجاۆالاردان دارالاپ تۇر. بۇل تۋرالى وي قوزعاعاندا ەسىمىزگە تەك گاگارين مەن كوروليەۆا عانا ورالادى. قىتايدىڭ دا ءوز گاگارينى، تەرەشكوۆاسى جەتىپ جاتىر.

قىتايدىڭ جەر بەتىندەگى جەتىستىكتەرىن اڭگىمە ەتەر بولساق، جوعارى جىلدىمدىقتاعى  جولاۋشى تاسىمالدايتىن پوەزدارى الەمدى جاۋلاپ العالى قاشان. جۇڭگو ينجەنەرلەرى مەن كوپىر سالۋشىلارىنا كەلەر بولساق، ءتىپتى وتە بيىك تاۋلاردىڭ ۇستىنەن كولىك جولدارى مەن تەمىر جولى وتەتىندەي ەتىپ جاساپ قويعان. ميللياردتاعان حالقى بار بولعانىنا قاراماستان، جۇڭگو روبوتتاردى جاساۋدان الدىڭعى ورىنعا شىعىپ كەتكەن. جۇمىس قولى جەتىپ-ارتىلاتىنىنا قاراماستان، قىتايلىقتار بولاشاقتا عىلىم، تەحنيكا جانە ەلەكتروندى قۇرىلعىلار الەمدى باسقاراتىنىنا كۇمان كەلتىرمەيدى. سوندىقتان ءقازىردىڭ وزىندە جۇڭگو مۋلتيمەديا سالاسىندا توپ جارىپ كەلەدى.

اۆياسيا جانە تەڭىز فلوتى جۇڭگو ەكونوميكاسىنىڭ باسىمدىلىعىنان تىس قالعان ەمەس. بۇرىندارى تەكستيل مەن الەمدىك ويىنشىق فابريكاسى بولعان جۇڭگو بۇگىندە الەمدەگى ساناۋلى عانا ەلدەر شىعارا الاتىن جاڭا قۇرىلعىلار جاساۋدان كوش باسىندا تۇر.

ارينە، بۇل ورايدا جۇڭگو جەتكەن جەتىستىكتەردى الدىڭعى تولقىننىڭ كۇشىنسىز ورىنداۋ مۇمكىن ەمەس ەكەندىگى انىق. بەسىنشى تولقىننىڭ قىتايلىق باسشىلارى ءوز ەلىن جاڭا بەلەستەرگە جەتەلەۋدە، ول اسۋلاردى ءالى ۇيرەنىپ، باعىندىرۋ كەرەك.

قازىرگى كەزدە ءوتىپ جاتقان جۇڭگو كوممۋنيستەرنىڭ 19-شى سەزى قىتايلىق ەرەكشەلىكتەگى ءسوسياليزمنىڭ دامۋىنا اسەر ەتەتىن وتە ماڭىزدى وتىرىس بولىپ ەسەپتەلەدى. قىتايلىق ەرەكشەلىكتەگى سوسياليزم 40 جىل بۇرىنعى اشىق ەسىك ساياساتىنان كەيىنگى قولدانىستاعى تاجىريبە.

سي سزىنپين بۇكىل حالىقتى «ەكى ءجۇزجىلدىققا» ارناپ جاسالعان جوسپاردى ورىنداۋ ماقساتىندا جۇمىلا ارەكەت ەتىپ، قۇلشىنىس تانىتۋدى سۇرادى.

دميتريي ۆلاديميروۆ

جۇڭگو جونىندەگى مامان، مامىلەگەر جانە جۋرناليست